Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Qazaq tili álipbıin latyn grafıkasyna kóshirý jónindegi ulttyq komıssııanyń kezekti otyrysy ótti, dep habarlaıdy QR Úkimetiniń baspasóz qyzmeti.
Otyrys barysynda Ulttyq komıssııanyń aldyńǵy otyrysynyń qorytyndysy boıynsha qurylǵan, tórt arnaıy jumys tobynyń quramy men jumystarynyń jospary talqylanyp, bekitildi. Atap aıtqanda, orfografııalyq, ádistemelik, termınologııalyq jáne saraptamalyq-tehnıkalyq jumys toptary quryldy, olar latyn grafıkasyn bilim júıesine birtindep engizýdiń erejeleri men ádisterin ázirleıdi, tildiń termındik qoryn júıeleıdi, sondaı-aq, latyn grafıkasyn AT-tehnologııalarǵa jáne aqparattyq keńistikke beıimdeýmen aınalysady. Budan ózge, QR Mádenıet jáne sport mınıstrligi janyndaǵy ǵylymı-ádistemelik ortalyqty qurý múmkindigi qarastyryldy.
Ulttyq komıssııa jumysynyń baǵyttary boıynsha «Nur Otan» partııasy tóraǵasynyń birinshi orynbasary M.Qul-Muhammed, Qazaqstan halqy Assambleıasy tóraǵasynyń orynbasary, QR PÁ Qazaqstan halqy Assambleıasy hatshylyǵynyń meńgerýshisi D.Myńbaı, QR Parlament Májilisiniń depýtaty B.Mamyraev, mádenıet jáne sport mınıstri A. Muhamedıuly, bilim jáne ǵylym mınıstri E.Saǵadıev, aqparat jáne kommýnıkasııalar mınıstri D.Abaev, A.Baıtursynov atyndaǵy Til bilimi ınstıtýtynyń dırektory E.Qajybek, Til bilimi ınstıtýtynyń til mádenıeti bóliminiń meńgerýshisi N.Ámirjanova, A.Baıtursynov atyndaǵy Til bilimi ınstıtýtynyń bas ǵylymı qyzmetkeri J.Álimhan, «Qazaqstan Respýblıkasy Kásipodaqtar Federasııasy» tóraǵasynyń keńesshisi E.Saıyrov jáne t.b. sóz sóıledi.
Eske sala keteıik, Qazaq tili álipbıin latyn grafıkasyna kóshirý jónindegi ulttyq komıssııa bıyl qarasha aıynda qurylǵan Úkimet janyndaǵy sabaǵattyq-keńesshi organ.
QR Premer-Mınıstri B. Saǵyntaevtyń tóraǵalyǵymen komıssııa quramyna: tóraǵa orynbasary – QR Premer-Mınıstriniń orynbasary E.Dosaev, sondaı-aq, QR Prezıdenti Ákimshiliginiń, «Nur Otan» partııasynyń ókilderi, QR Parlamenti depýtattary, JOO ókilderi, tanymal ǵalymdar jáne qoǵam qaıratkerleri kirdi.
Sharalar josparyna sáıkes, qazaq tili álipbıin latyn grafıkasyna 2025 jylǵa deıin kezeń-kezeńmen kóshirý josparlanǵan. Birinshi kezeń 2018-2020 jyldardy, ekinshi kezeń – 2021-2023 jyldardy, úshinshisi – 2024-2025 jyldardy qamtıdy.